هام الفرق بين قسم تحكم(منوف)-قسم باور(كليات الهندسة)

بسم الله الرحمن الرحيم
الموضوع النهاردة جديد خالص وشيق جدا علشان كدة حبيت انى اكون اول واحد فى المنتدى اكتب عنه طبعاً حدخل فى الموضوع علاطول واسمحولى انى اكتب بالعاميه علشان الناس كلها تفهم اللى حكتبه علشان الموضوع مهم وكبير اوى
الموضوع هو:
الفرق بين
قسم هندسة الالكترونيات الصناعية والتحكم
(بهندسة منوف)
و
قسم الالات والقوى الكهربية(قسم باور)
(فى جميع كليات الهندسه)
اولاً:حنتفق مبداياً اننا خارج المنافسة على الاطلاق لكى ننظر الى الموضوع بمنطقية وهنعرف ليه هندسة منوف خارج المنافسه لانها المتصدرة دائماً لاقائمة كليات الهندسة على مستوى الجمهورية
ثانياً :اثناء كتابتى عن الاختلافات التى تميزنا ستكون على صيغه
احنا (تحكم منوف) وهما(قسم باور)
يلا حنبدا:
فى اعدادى معظم كليات الهندسة تكاد تدرس منهج يساعد الطلاب على اختيار القسم بداخلها ولن نتعرض لما يدرس بالفرقة الاعدادية
نبتدى بقى:
احنا:فى الفرقة الاولى بندرس الدوائر الكهربية وجميع النظريات الكهربية وقوانين الرسم الكهربى (الالكترونى "يعنى البورد الصغيرة اعلى جهد 24فولت" ) وقوانين الكهربية وسلوك الدائرة الكهربى وماذا سيحدث فى الخرج بشكل مفرط ونكمل الدراسة فى الترم التانى بتكنولوجيا الدوائر المتناهية الصغر(طبعا مش عايز اكتب انجليزى لتغير ثقافات المستقبلين وعشان تقراه اكبر كمية من الطلاب) ودراسة الورش والتوصيلات الكهربية(تقال باللغة العامية كهربا سيلسيون)ودراسة مايخدم المجال الهندسى

هما:فى الفرقة الاولى بيتخصصوا اما مدنى او كهربا او عمارة او ميكانيكا او انتاج00000000
هنتكلم عن كهربا فقط(والذى يضم بداخله اتصالات والالات والقوى الكهربية (باور) وهندسة الحاسبات والتحكم الالى)("هندسة الحاسبات والتحكم الالى يشابة قسم هندسة وعلوم الحاسبات عندنا")(وقسم اتصالات يشابة قسم اتصالات عندنا")ويقومون بدراسة الشبكات الكهربية وخطوط النقل والضغط العالى واقل ضغط يتم التعامل معه 220فولت وتدور دراستهم فى هذا المجال بالاضافة الى بعض القوانين الكهربية البسيطة التى لايمكن الاستغناء عنها لاى مهندس كهربا ويختلفون عننا انهم بيدرسوا المواد التى تخص باور بتعمق وفى الورش بتاعتهم كيفية لف المواتير والتى تعتمد دراستها على جداول ثابتة سهله التعلم بالنسبه لعقلية المهندسين ويدرسون الرسم الكهربى(سيلسيون) للمنازل والمصانع وتوصيل مصادر الجهود بالاحمال وطرق توصيل كافة المواتير ومنهم
3phase

بعض الاختلافات السريعة لنعرف ماذا نقول
احنا:نهتم بدراسة الجهود الكهربية فى مدى 24 فولت وتحليل سلوك الدوائر(الالكترونية) والخرج المتوقع
هما:يهتموا بدراسة الجهود الكهربية فى مدى 220.380فولت و11.33.66.132كيلو فولت
احنا:دراسة المكونات الالكترونية بكاملها والتى تعمل فى مدى جهود منخفضة 24 فولت والتى تم ذكر بعض منها فى الاعلى
هما:دراسة المكونات الكهربية بالاضافة الى (المولدات-المحولات-ادوات الضغط العالى-المواتير ومايلزمها من ادوات واجهزة-وكيفية انشاء خطوط النقل للجهود العلياوشبكات التوزيع لها)
احنا:عمل تصميمات لاى نظام تحكم اتوماتيكى للتحكم فى اى نظام كهربى فى جميع المجالات
هما :عمل تصميمات لتغذية او امداد اى مؤسسة بالكهرباء (نطاق عملهم بداية من مولدات السد العالى الى اصغر حمل موجود فى اى مؤسسة بكل ماتحمله هذه الكلمات من معانى)
احنا:عمل محاكة لاى نظام تحكم واخضاعة ليكون اكثر استقراراً والتحكم فيه طبقا لما نريد للسيطرة على الخرج(لن اخوض فى تفاصيل عايز تعرف التفاصيل ادخل قسم تحكم)
هما:دراسة علوم الوقاية والصيانة بكل ماتحملها الكلمات من معنى بالنسبة (للمولدات – المحولات –والمواتير)
تعليق اخير :مهندسى التحكم هم اساس الوقاية فى هذه الحالة وهذا اعرفه عن طريق تجربة شخصية لى عندما كنت اقضى التدريب الصيفى للفرقة الثانية فى محطة محولات تعمل على جهود 11.33.66 كيلوفولت وكانت الوقاية على المحولات الضخمة مكونات الكترونية وهى صميم عملنا والتى لايمكن الاستغناء عنها

كلمتى:
ارجو ان اكون وفقت فى ان اضع فى ذهن كل من يقرا هذا الموضوع معلومات ولو بسيطة عن اختلافات القسمين (تحكم- باور)
ومع كل هذه الاختلافات بين القسمين يقول اصحاب العقول الضعيفة ان قسم تحكم هو نفسه قسم باور ("يقولون بالسنتهم مالايعلمون") وهذا بنا على جهل فادح منهم واذا صادفك مثل هؤلاء الجهلاء اعط له هذا الموضوع ليقرأة وبعدها متكلموش تانى لانك عرفت ان عقليته محدودة ويحكم بظواهر الامور
انا لم اتطرقك الى التفاصيل ولكن اكتفيت بالخطوط العريضة
الامضاء
احمد الاسوانى
الفرقة الثالثة تحكم